|
Centre Culturel Universitaire : " Littérature d'expression corse ; entre tradition, politique et modernité"
" A Literatura di spressione corsa; trà tradizione, pulitica è mudernità "
Date : Mercredi 24 novembre 2021 à 10h
Lieu : Spaziu Universitariu Natale Luciani
Intervenant : Anghjulu Pomonti, Prufessore agregatu Lingua Corsa, Duttore in Lingua è Cultura Corsa
Accade sempre, oghje chî hè oghje, ch'ellu si percepischi a literatura di lingua corsa cum'è una pratica passatista è dialettale, o chî omu l'assimilessi à un militantisimu puliticu, d'indule regiunalistu, autunumistu o puru naziunalistu secondu l'epiche. Eppuru l'accosti sclusivamente pruvincialisti o naziunalitarii, benchî esatti (in parte), anu u so da fà à qualificà l'ogettu sanu sanu. Bramosa d'accede à a dignità, à tempu à a lingua corsa ella stessa, a literatura cursofona hà dinù custruitu a so mudernità longu à u tempu, puru di manera anacronica di pettu à u prisente literariu mundiale. Oghje, à capu di un prucessu longu è faticosu, prugressi maio so da signalà, hè percio ch'ellu si puderà ancu definî a literatura corsa cum'è una literatura di criazione sputica. ln tutti i casi nant'à u pianu testuale. Cum'è l'altre spressione literarie « minurizate », a so situazione ferma guasi paradussalamente incerta, è si ponenu sempre e quistione di a so sparghjera ma ancu di a so sopravita. Anghjulu Pomonti, inde u quatru di a publicazione di i so travagli di tesa, rivenerà cusî nant'à e mudalità di u so accostu cruciatu, trà analisi di testi, fenomeni sociostorichi, rialità sociolin-guistiche è custrinte sociostituziunale, senza sminticà u fattore psiculogicu chî pesa sempre assai in duminiu perifericu ...
|