Du Jeudi 05 juin 2025 à 09h00 au Dimanche 08 juin 2025 à 18h00

Spaziu universitariu Natale Luciani - Campus Mariani, Corti

U Centru Culturale di l’Università di Corsica è u laboratoriu di ricerca UMR LISA, in cullaburazione cù u serviziu culturale di a Cullettivita di Corsica, urganizeghjanu l’Università statinale di teatru per prumove a creazione teatrale in lingua corsa incù a participazione di paesi chì anu culture minuritarie. Longu à isse ghjurnate seranu prugrammati varii spettaculi corsi è d’altrò, cunferenze, tavule tondule, attelli teatrali è a restituzione di una residenza artistica di messa in scena. U scopu hè di sprime, in lingua corsa, una manera corsa è aperta d’avvià si in u mondu cù u teatru, indirizzendu si à tutti. Per l’artisti venuti d’altrò, u scopu hè di parlà di u so paese in a so lingua minuritaria.